新手笑話一則

唔經唔自已經玩左WOW 1年令9個月,暮然回首第一次既笑話

想當年小弟見到夜精長耳+誘人胴體,就開左個夜精獵人,
個朋友就玩人類術士,玩到1X LV佢叫我過去同佢一齊解任務,
佢剩係知有船去米港,跟主就唔識去走...
佢話跟大路走就得架喇, 初生之犢不怕虎, 就咁就走過去,
半路已經見到隻 ?? 級既蜘蛛同鱷魚...心知不妙 +.+
驚魂未定已經被咬一口 , 好痛...... 一口已經無左大半血 >_<
人生第一次見天使姐姐, 再望下大地圖, 依~ 仲近左喎, 咁就搵天使姐姐復活左
重生後繼續死亡之旅 +.+
係相繼死左30次左右,我到左灼熱峽谷, 無錯...係灼熱峽谷, 我走左去5X LV既地區
見到個景都知呢度唔係低LV地方, 所有怪都係 ?? 級, 但我以無比既勇氣繼續尋求出路
, 繼續趴趴走, 就係13LV既時候,我已經睇晒灼熱峽谷地圖既全貌 +.=
但都係搵唔到出路.... 今晚玩夠喇... 我已經"死"左近3個鐘...... 已經死左50次以
上......
爐石返黑海岸訓覺 Zzzzz......

第2晚繼續,去到米港, 組左隊睇大地圖, 見到佢係西部荒野海邊, 我見到大家都係海邊,
所以就游水過大海....
新手即係新手, 一路游一路欣賞魔獸既偉大3D山景,
游游下發覺多條BAR 疲勞 @@
睇住條BAR向左減少, 已經知道自己命在旦夕....
再望下個茫茫大海, 唔通我真係要同朋友無緣 ?
突然發覺個海有 2 種色, 唔通深色先出事? 就游返淺色區,
果然! 條BAR即刻加返滿消失 ^^V
跟住繼續無驚無險遊到去西部荒野,
歷時2個鐘令48分鐘, 我終於見到個朋友喇 \^.^/
你估佢第一句講乜?
.
.
.
乜你咁耐架,我升左5個LV喇 =.=
.
.
.
Orz ........